İnsan Kapitalı

Biz inanırıq ki, gücümüz yalnız sənaye imkanlarımızda və texnologiyada deyil, onları hərəkətə gətirən insanlardadır. Bizim İnsan Kapitalı vizyonumuz sadədir: biz insanlara investisiya edirik,  bacarıqlarını inkişaf etdirməyi, təkmilləşməyi, öyrənmə mədəniyyətini dəstəkləyirik – bununla da, STP-də tək məhsul istehsalını deyil, həm də innovasiya, davamlılıq və birgə uğuru hədəf alırıq.

Strateji Uyğunluq – STP-də hər bir rol və hər bir komanda ümumi strateji məqsədlərlə çalışır. Bu yanaşma istedadların sadəcə resurs olmadığını, missiyamızın həyata keçirilməsində strateji rol oynadığını vurğulayır.

Səlahiyyət və Məsuliyyət – Biz təşəbbüsə, davamlı öyrənməyə və komandalararası əməkdaşlığa önəm veririk. Əməkdaşlar layihələrdə məsuliyyət götürməyə, ideyalarını paylaşmağa və dəyişikliklərin lideri olmağa təşviq olunurlar.

Fərqli Təcrübə və Baxışlar –  Biz fərqli təcrübə və baxış bucağına malik insanların özlərini dəyərli, səlahiyyətli və fikirlərini sərbəst ifadə edə biləcəkləri bir iş mühiti yaratmağa çalışırıq.

Dəyərləndirmə və Mükafatlandırma – Performans, inkişaf və dəyərlərlə uyğunluq sistemli şəkildə aparılır. Biz inanırıq ki, mükafat töhfəni, öhdəliyi və nəticələri əks etdirməlidir.

Öyrənmə Proqramları – Texniki bacarıqların artırılmasından liderlik və “soft skill”lərin inkişafına qədər strukturlaşdırılmış təlim imkanları təqdim edirik.

Təşkilati İnkişaf və Rotasiya – Komanda üzvlərinin qrup daxilində şirkətlər, layihələr və departamentlər üzrə daxili mobilliyi təşviq edərək müxtəlif sahələrdə təcrübə qazanmasını və biliklərini dərinləşdirməsini təmin edirik.

Mentorluq və Kouçinq – Təcrübəli mütəxəssislər gənc istedadlara mentorluq edərək, onlarla bilik, təcrübə və liderlik baxışlarını paylaşırlar.

Tərəfdaşlıqlar və əlaqələr – Təhsil müəssisələri və beynəlxalq tərəfdaşlarla əməkdaşlıq edərək komandamıza ən yaxşı təcrübələr, araşdırmalar və qlobal perspektivlər gətiririk.

Sağlamlıq və Əməyin Təhlükəsizliyi – Bütün istehsalat sahələrində, ofislərdə təhlükəsiz və sağlam iş mühitini təmin etmək bizim üçün prioritetdir.

İş və Şəxsi Həyat Balansı – İşçilərin rifahını, ailə ehtiyaclarını və şəxsi inkişafını dəstəkləyən imkanlar təqdim edirik.

Açıq Dialoq və Əks Əlaqə Mədəniyyəti – Müntəzəm əks əlaqə, sorğular və dialoqlar üçün kanallarımız mövcuddur, hər kəsin səsini eşidilsin və biz davamlı inkişaf edək.

Əməkdaşların Təqdir olunması– Nailiyyətləri və komanda uğurlarını müntəzəm olaraq qeyd edirik ki, əməkdaşların təşkilata bağlılığı artsın.

Strateji İşə Qəbul – Keyfiyyətli nəticələr əldə etməyə, əlavə dəyər yaratmağa və Azərbaycanın sənaye inkişafına töhfə verməyə həvəsli mütəxəssisləri axtarırıq.

Kompetensiya və Dəyərlərə Uyğunluq – Texniki bacarıqlardan əlavə, dürüstlük, öyrənmə həvəsi, əməkdaşlıq və nəticə vermə qabiliyyətinə diqqət yetiririk.

Təcrübə Proqramları – Universitetlər və peşə məktəbləri ilə əməkdaşlıq edərək yeni istedadları cəlb edir, yeni məzunlara mentorluq edirik və real layihə təcrübəsi təqdim edirik.

Adaptasiya  - Yeni əməkdaşlar STP-nin iş prinsipləri, mədəniyyəti və strateji məqsədləri ilə tam tanış olur, qısa müddət ərzində məhsuldar olaraq  mühitə tam inteqrasiya olunurlar.

STP güclü insan kapitalı ilə aşağıdakı məqsədlərə nail olmağı hədəfləyir:

Bütün istehsal sahələrində və layihələrdə məhsuldarlığı və keyfiyyəti yüksəltmək;

STP-nin transformasiya, rəqəmsallaşma və genişlənmə prosesini idarə edəcək növbəti nəsil liderləri yetişdirmək;

Müxtəlif sənaye sahələrindəki çağırışlara çevik və dayanıqlı insan qüvvəsi formalaşdırmaq;

STP-ni yalnız sənaye nəhəngi deyil, həm də istedadların yetişdiyi  “insan yönümlü” təşkilat kimi tanınmaq.

Bizim ən böyük sərmayəmiz insanlarımızdır — məhz onların töhfələri, inkişafı və birgə əməyi STP-nin inkişafını təmin edir.